الفهرس
لتصفح الصحيفة ب Flsh

لتحميل الصحيفة ك Pdf

العدد: ٧٨/ ذو الحجة/ ١٤٣٦ه

المقالات شعر شعبي: لاح بجماله

القسم القسم: العدد: ٧٨/ ذو الحجة/ ١٤٣٦هـ الشخص الكاتب: هيثم سعودي الكربلائي التاريخ التاريخ: ٢٠١٥/٠٩/١٩ المشاهدات المشاهدات: ١٦٢٦ التعليقات التعليقات: ٠

شعر شعبي: لاح بجماله
هيثم بن سعودي الكربلائي

يا لتندب الموعود

 

مهدينه بالمولود

لاح ابجمالـه

 

نور العدالـه

من عالـم الإمكان

وبمنتصـف شعبان

لاح ابجمـاله وبان

القـائم وليّ الله

موعـد فرحنه حان

وازدانت الأكوان

كلّ الإنس والجان

متلهّفه الملكاه

راعي الحفل سلطان

والخالقه برهان

كلب المحب فرحان

وبمولده هنّاه

عدل وقسط واحسان

للمنتظـر عنوان

أشرف واعز إنسان

سبحان من سوّاه

وبعالم الديجور

 

لو شفت هالة نور

تعرف خصاله

 

نور العداله

هلبهجه والأفراح

وامناثر القدّاح

نحييهـا بالأرواح

للمنتظر هاليوم

والداعي للإصلاح

لو كرب يومه وصاح

ليل الضّلاله انزاح

عرش الظلم ميدوم

عرش الظلم لو طاح

ما ظل بعد سفّاح

كلب المحب يرتاح

وما تبكه عدنه اهموم

كوم استعد يا صاح

موعد إمامك لاح

خلّي العمل مفتاح

للموعد المعلوم

لو رايد المحجوب

 

للملكه افتح بوب

وانطر هلاله

 

نور العداله

غايب عتبنه ايزيد

تحضر يصير العيد

احنه علينه انعيد

هالحفله بالميلاد

وبمحفلك يا زين

ما يبقه بين اثنين

غشّ وخصام ورين

لا شامت وحسّاد

واجب علينه ودين

لجلك نغضّ العين

نجمع شمل كلبين

ونبدد الأحقاد

حبّك جمعنه اليوم

وهاي المحبّه اتدوم

واجب فرض ملزوم

نتصافه بالأعياد

عيدك أبو اهلالين

 

سرّ الكلب والعين

والنبي وآله

 

نور العداله

التقييم التقييم:
  ٠ / ٠.٠
التعليقات
لا توجد تعليقات

الإسم: *
الدولة:
البريد الإلكتروني:
النص: *
التحقق اليدوي: *
إعادة التحميل
 
شبكة المحسن عليه السلام لخدمات التصميم

ما ينشر في صحيفة صدى المهدي عليه السلام لا يعبر بالضرورة عن رأي الصحيفة بل هي آثار الكتّاب والأدباء